住宿體驗 – 香港文華東方酒店

昔日嘅香港文華東方酒店住一晚都動攝幾千蚊，但係疫情影響之下，呢啲尊貴嘅酒店都要面對殘酷嘅事實，降價促銷。但究竟服務及食品嘅質素會唔會都一樣降低左水平呢？

今次我入住嘅package包括雙人早餐同埋雙人三道菜晚餐，價錢為$2,159 （已包括服務費）。價錢方面已經係無可挑剔㗎啦 (雖然我覺得低處未算低)。

當日我哋大概3:30到達酒店，以櫃檯亦有非常多嘅員工喺度幫忙check-in，所以過程算係十分之順利而且快速。入到酒店後，我就叫我屋企人過去大堂嗰邊坐低，而我就去櫃檯check in。到達櫃檯後，職員問我拎埋同住人嘅身份証，而佢亦詢問我可唔可以代我過大堂個邊幫我拎張身份證過嚟，都算係幾貼心。

酒店喺兩星期前Email咗比我，問我有冇特別慶祝嘅日子，而我亦只表示我屋企人喺入住前個個星期二生日 (入住日係星期六)；但竟然佢哋主動提出送上一個文華芝士蛋糕俾我哋，買一個都成$418㗎，好滾動呀﹗😍

今次入住嘅房間種類係城市景高級客房，官網寫房間約三百幾呎，但我覺得寬闊程度唔止三百幾呎啦。而房間雖然有少少舊（感覺同港麗酒店差唔多），但有啲設備佢都有都有更新到嘅，例如床頭有USB插頭、房間亦設有Bose藍牙喇叭等等👍。而家等大家睇睇房間先﹗

酒店房間

洗手盤及浴室

浴室

浴缸流水位速度快，唔駛等太耐。

廁所獨立間格，但留意左邊玻璃半透明，有少少若隱若現。

一張大床都夠哂寛闊，喺床上面pillow fight都得呀﹗

梳化 – 展現到文華東方已經有一段歷史，不過呢啲傢俬仲保養得宜。

寫字檯 – 展現到文華東方已經有一段歷史，不過呢啲傢俬仲保養得宜。

房外望出嘅城市景，其實夜晚望落立法會都幾靚，城市景嚟講算唔錯。

雪櫃擺滿各樣飲品，不過你都唔會飲㗎啦。

咖啡機及充滿古典味嘅凍桶

歡迎禮品 – 朱古力

藍芽喇叭

酒店游泳池及健身室

文華東方酒店嘅泳池室內嘅，而且泳池內放暖氣，呢啲天氣都可以游，不過就非常非常非常非常非常非常非常之細，加上而家人流管制，只能同時有12個人係泳池，假日就麻煩啲啦。相對健身室就叫多設備，同埋24小時開放，幾好噃﹗

室內游泳池

健身室

文華Cake Shop

下午茶時段我哋落咗去Cake shop買咗兩個Scone，唔知係唔係外賣關係，味道冇之前食咁好。

晚餐

晚餐有三道菜，酒店方面會喺前幾日email通知你個菜單，揀完Send返去到時就可以準時享用晚餐。味道方面，龍蝦湯味道好濃，但有一點點苦澀味；主菜嘅牛扒同埋黑毛豬扒汁火候適中，兩者嘅肉質都幾嫩滑，豬扒嘅配菜都非常入味，不過佢上枱個賣相完全唔掂，仲衰過大家X；至於甜品方面，因為酒店送芝士餅俾我哋，所以我哋揀咗另外兩款甜品時，但味道只是一般，較為失色。如果未夠喉，住客去扒房仲有85折，去Cafe Causette或者快船廊就有8折折扣。