香港萬麗海景酒店 —給你一個平價而保持質素的聖誕假期

我今次入住萬麗海景酒店都係用之前酒店嘅嘅推廣買入嘅半價禮券去預訂房間。不過為咗盡量避開人潮，我推遲到26-29/12入住。

由於我遲咗預訂，26/12入住最便宜嘅房間升至$1,800+10% （$1,980），而之後兩天平返少少，$1,500+10% ($1,650)，由於禮券面值$1,500，所以扣除禮券後都要補返尾數。

我鍾意萬麗除咗佢平價之外，職員嘅服務同態度都係另一個吸引我住嘅因素。每次入住，在場嘅前台經理必定出嚟打招呼，職員會記得你名；出入時每個職員會有禮貌地同你打招呼；打電話拎嘢嘅回應速度非常快；房間升級呢…我唔係大客，喺呢啲日子升到去Studio Suite我個女好開心了。

呢種開放式嘅套房雖然係套房中最細嘅，但由於佢無廳同房中間道牆隔住，絕對有空間感嘅。另外浴缸嘅配置亦好開揚，住客可一邊浸浴一方欣賞維港景色。

入住第一日（26/12）仲係假期，所以酒店方面都預咗Lounge有人滿之患，除咗將41樓嘅Lounge分成兩個時段，更喺1樓嘅Mirage餐廳加設「外帶」服務，等住客可以選擇拎食物及飲品返房慢慢享用！食物就有咸有甜，款式唔多但絕對飽肚！

政府就唔俾開放健身室同泳池，但呢無水11樓嘅兒童遊樂場就仲係有開放，所以暫時嚟講呢個場絕對係大人同小朋友嘅恩物，小朋友放哂電，大人就當然高興！另外，地下樓層整咗個兒童電動車嘅地方，經理話暫定一月開放，淨係睇佢哋不停諗新嘢俾小朋友玩已經要俾100分啦！

雖然我對佢哋早餐就一般，但我收集好多意見後發現，佢哋有提供鮮榨新鮮果汁係大家覺得個早餐最吸引嘅地方！

平均九百幾蚊一晚去度過聖誕假期，我諗除咗現時咁嘅情況就真係無乜機會，但都要提一句，大家出街記得注意個人衛生呀！勤洗手同戴口罩呀！

記得Follow埋我挨之：https://www.instagram.com/hotel_infinity/

#Renaissance #香港萬麗海景酒店 #MarriottBonvoy #酒店無限Touch #hotelinfinity #studiosuite