［東涌世茂喜來登酒店 – 衝or Don’t 衝？］- 第二回：Check-in及房間一覽

我哋大約兩點到達大堂check in，揸車嘅可以有半小時免費泊車，可以慢慢搞手續！

酒店大堂仍然豎立住聖誕節嘅裝飾，聖誕樹都幾靚㗎！大堂以金色及白色為主，牆身配上一啲透明嘅水晶片，燈光照射下更加光亮！

雖然聽講入住率都幾高，但Check in只有兩個住客，未見人龍。由於櫃檯中間要用透明板隔住，而中間開口開得好細，再加埋個口罩，我係聽唔到職員I講咩嘅所以職員都好好咁行出嚟同我講房間安排；另外一位職員A就喺我搞緊手續時同我家人傾偈，非常貼心。

上回講到呢度咁少套房，作為鈦金會員又有冇得升級呢？答案係……無嘅。我有要求嘅，但真係俾唔到，職員I都好好咁幫我揀過啲房；本身都叫升咗去高層行政樓層，但係之後又因為酒店一啲事，我需要轉房，導致我最後係叫咗降房型。Any肥，呢間都叫做corner room，屬於城市景，但叫做有兩邊窗，所以以城市景客房嚟講，呢間叫荀嘢！面積都大十幾二十平方呎！

房間內嘅淋浴露及洗頭水係以可循環使用嘅樽裝住，住客多數都唔buy架啦，點解？等於個水煲你唔知上一手點用過一樣

房間設計好簡約，白色為主，但酒店用白色係最好嘅，有乜污糟都好易睇到。

另外一樣估唔到嘅係茶包會用上TWG，萬麗都係用Twining咋但唔好咁得戚住，佢提供嘅只有Jasmine Tea同English Breakfast Tea，我打去問要包Earl Grey得唔得？原來唔得喎（可能基本房緣故），不過點都好，TWG都係意想不到。

新酒店都引入少少比較新嘅設備嘅，好似有部機叫Simo，可以以聲音指示佢開燈，較鬧鐘等等，平時同開Siri傾開偈嘅，不妨都同Simo傾下。而電視係三叔品牌，可以mirroring。

職員I其實好好，主動offer咗一支sparking wine比我，加埋啲小食，都窩心嘅。

其實客房真係有啲細，平均2百零呎，加上浴缸只有部份客房有嘅，所以想住套房真係直接book呀！不過暫時佢嘅價格都幾高，相信大家都唔駛諗佢住

記得Follow埋我挨之：https://www.instagram.com/hotel_infinity/

#sheratontungchung #sheratonhotel #萬豪 #MarriottBonvoy #酒店無限Touch #hotelinfinity #staycation #deluxeroom #cornerroom